“Nëse do e kishim patur këtë mbështetje një vit e kusur më parë, kur PDIU propozoi Presidentin nga populli, ndoshta sot gjërat do ishin më të lehta për t’u zgjidhur.”
Sekretarja e Përgjithshme e PDIU-së, Mesila Doda, reagoi pas propozimit të publikuar sot nga kryetari i PD-së Lulzim Basha. “Më mirë vonë se kurrë!!!”, shkruan Mesila Doda, referuar faktit që PDIU prej më shumë se një viti e ka hedhur propozimin për zgjedhjen e presidentit nga populli, por në atë kohë, opozita nuk e mbështeti.
“Na vjen mirë, na vjen shumë mirë që partitë e tjera përqafojnë vizionin e PDIU-së. Nëse do e kishim patur këtë mbështetje dhe optikë të përbashkët një vit e kusur më parë, kur PDIU propozoi Presidentin nga populli, ndoshta sot gjërat do ishin më të lehta për t’u zgjidhur e njerëzit do kishin patur më shumë mundësi për t’u shprehur me votë për kreun e shtetit.
Megjithëse me vonesë, mund të ngushëllohemi me shprehjen: Më mirë vonë se kurrë!!!”, shkruan Doda.
