Pas deklaratave të kryeministrit Rama i cili gjatë mesditës thase nuk kishte pse të jepte dorëheqjen, ka reaguar kreu i opozitës Lulzim Basha.
Nëpërmjet një mesazhi në Twitter, Basha shkruan se “fakti është, Europa të ka refuzuar. Ti ke dështuar”.
Më tej, Basha i thotë Ramës se ka ardhur koha të pranoj përgjegjësitë për dështimet pasi është mbushur kupa.
“Mjaft me shfajësime personale dhe fajësimin e të tjerëve zoti Rama! Të gjithë janë lodhur me justifikimet e tua për dështimet e tua, gjithmonë duke mbrojtur veten, kurrë popullin tënd, asnjëherë gati të pranosh përgjegjësinë tënde.
Fakti është, Europa të ka refuzuar. Ti ke dështuar.
Kujt do t’ia hedhësh fajin për dështimin me shëndetësinë? Kujt do t’ia hedhësh fajin për ekonominë e shkatërruar? Kujt do t’ia hedhësh fajin për qeverinë tënde të korruptuar?
Ka ardhur koha të pranosh përgjegjësitë për dështimet e tua! Është mbushur kupa. Europa të ka refuzuar dhe shqiptarët do të refuzojnë.” shkruan Basha.
