“Do ta mbështesim blegtorinë me subvencione të drejtëpërdrejta”
Kryetari i Partisë Demokratike, Lulzim Basha diskutoi me banorët e Shirgjanit, Gjergjanit dhe Bradasheshit për gjendjen e vështirë të bujqësisë, sektor me të cilin ata sigurojnë jetesën. Fermerët e Gjergjanit thanë se kanë tre vjet që nuk shohin asnjë investim për bujqësinë dhe as subvencione.
“Ka rritur taksat, varfëria është rritur. Cfarë i bën lekët? 2. 2 miliardë euro i ka vjedhur për dy vite” u tha Basha banorëve.Basha u ndal dhe në një fermë, ku evidentoi problemet në blegtori, për shkak të mungesës së subvencioneve nga shteti. “Ne do ta mbështesim blegtorinë me subvencione të drejtëpërdrejta” tha Basha. Kreu i opozitës u ndal edhe në Bradashesh, ku gjendja është e mjerueshme, për shkak të papunësisë dhe varfërisë. “Familjet me ndihmë ekonomike nuk do të paguajnë as taksa dhe as faturë energjie dhe as uji. Ti japësh 5 lekë me një dorë dhe ti marrësh 10 me dorën tjetër ky është krim” tha Basha
