Kryedemokrati Lulzim Basha u ka bërë thirrje protestuesve ta ndjekin për në Drejtorinë e Policisë, ku ndodhet në këto momente sekretari organizativ të PD-së Sahit Dollapi.
Basha u shpreh se Dollapi është dhunuar me urdhër të kryeministrit Edi Rama dhe ministrit Sandër Lleshaj, ndërsa gjatë gjithë protestës ka mbrojtur policinë.
“Me urdhër personal të Edi Ramës është dhunuar në mënyrë të pashembullt Sahit Dollapi, i cili gjatë gjithë protestës ka bërë gjithçka për të mbrojtur efektivët e policisë. Ka dalë para turmës, para fishekzjarrëve, por me urdhër të Ramës e Lleshajt është dhunuar dhe është shoqëruar në drejtorinë e policisë së Tiranës. Në emër të opozitës i bëj thirrje ta lirojnë një orë e më parë, ju bëj thirrje të më ndiqni”, deklaroi Basha.
Policë të maskuar e kanë rrëmbyer sekretarin e PD-së nga rruga dhe e kanë dhunuar.
