Reagimi i kryetarit të PD-së pas deklaratës së kryeministrit Rama se krime ndodhin edhe në Gjermani por atje nuk sulmohet policia nga opozita
Nuk kemi fajësuar policinë, thekson Basha në përgjigje të deklaratës së kryeministrit se opozita sulmon padrejtësisht Policinë e Shtetit. Kryetari i Opozitës, ritheksoi akuzat ndaj kryeministrit dhe ministrit të brendshëm për lidhje me bandat kriminale duke e cilësuar krahasimin e krimeve në Gjermani me ato në Shqipëri, si një përversitet i skajshëm i kryeministrit.
“Thirrja në ndihmë e ngjarjeve në Gjermani për të justifikuar krimet e tmerrshme në Shqipëri, është perversitet i skajshëm. Krimi në vendin tonë është unik, i pakrahasueshëm, sepse kryeministri e ministri i brendshem janë kerthizelidhur me bandat, me Shullazet me Habilajt me Hakmarrjen për Drejtësi. Partia Demokratike për asnjë rast nuk fajëson policinë, burrat dhe gratë me integritet që gjenden në detyrë, dhe as nuk pretendojmë në një shoqëri idilike pa konflikte e tension. Ajo cfarë duam është të ndalet burimi kryesor i ekzekutimeve, gjobvënies, grabitjeve dhe i pasigurisë, që është lidhja e krimit me qeverinë. Nuk ka fatkeqesi më të madhe për një vend se kur kryeministri dhe ministri i brendshëm bashkëqeverisin me banda kriminale”, thekson Basha në deklaratë për mediat.
Gjatë takimit me socialistët e Durrësit, Rama tha sot se opozita është hedhur në sulm kundër Policisë së Shtetit duke theksuar se krime ndodhin edhe në Gjermani por se atje politika nuk e sulmon policinë por e mbështet atë. “Sigurisht që ndodhin krime. Ku nuk ndodhin krime?! Përpara pak javësh, natën e vitit të ri në vendin më të sigurtë më të Europës, në sheshin e njerit prej qyteteve më të mëdha të atij vendi u deklaruan mbi 60 vjaza dhe gra të pëerdhunuara, për të mos folur plot e plot raste të tjera. Ca dua të them me këtë? Dua të them që është gjëja më e lehtë, por edhe gjëja më e turpshme që pas cdo krimi që ndodh të çohesh dhe të baltosësh Policinë e Shtetit, spese njerëzit nuk janë aq mëndje lehtë sa për fat të keq politika i ka kujtuar gjithë këto vite, dhe njerëzit e dinë shumë mirë ta bëjnë dallimin”, tha Rama.
