Kreu i Partisë Demokratike Lulzim Basha citon një artikull të botuar ditën e sotme në gazetën gjermane Der Spiegel, në të cilën thuhet se kryeministri Rama është autokrat që rri në pushtet me ndihmën e krimit.
Në një postim në Facebook, Basha shprehet se sipas Der Spiegel Shqipëria e meriton hapjen e negociatave, por një njeri e pengon në këtë rrugë, referuuar kryeministrit Rama.
Reagimi i plotë:
Të gjithë shqiptarët e dinë të vërtetën që revista më e madhe e Europës, Der Spiegel e shkruan të zezë mbi të bardhë: Europa nuk refuzoi Shqipërinë, por refuzoi Ramën, sepse ai është një autokrat që rri në pushtet me ndihmën e krimit.
Shqipëria e meriton hapjen e negociatave. Shqiptarët meritojnë më të mirën. Një njeri e pengon këtë rrugë. Europa e refuzoi, tani është koha ta refuzojnë shqiptarët.
https://www.facebook.com/lulzimbasha.al/videos/1042628339403076/
