Kreu i Partisë Demokratike Lulzim Basha gjatë një takimi me mjekë dhe ekspertë të shëndetësisë në selinë blu ngriti shqetësimin për situatën e pandemisë në vend.
Basha u zotua se pas 25 prillit qeveria e ardhshme do të bëjë gjithçka për të ndryshuar situatën, që sipas tij është keqmenaxhuar dhe kjo ka sjellë në shifra rekord të vdekurish.
“Shteti do marrë rolin që i takon. Kryeministri do marrë rolin që i takon. Mjekët dhe infermierët janë të gjithë heronj. U bëj thirrje të gjithë qytezave që të mos humbin durimin. Mos bien në grackën e përplasjes mjekë-qytetarë se ka vetëm një përgjegjës dhe ky është kryeministri dhe qeveria. Shteti do bëjë detyrën e vet. do ketë një paketë të rimëkëmbjes ekonomike. Ne kemi gati planet. Më 25 prill është një ditë ndryshimi, do të mundim edhe virusin politik dhe do të nisim rrugën e rikuperimit ndaj virusit patologjik.
Nga zemra dua tu shpreh ngushëllimet familjeve, t’ju uroj nga zemra pacientëve shërim të shpejtë. T’ju uroj forcë dhe kurajo, mjekëve dhe infermierëve. Ta mbyll për herë të tretë me një apel ndaj çdo qytetari, mundoni për veten, prindërit dhe gjyshërit. Pas 25 prillit të gjithë bashkë do ta ndryshojmë. Nuk do të fitojë një parti politike, por gjithë Shqipëria”, tha Basha.
