Në qytetin e Barit, policia doganore ka arrestuar një shtetas shqiptar në provincën e Riminit me akuzën e shkeljes së normativës së kontrollit të këmbimit valutor. Në valixhen e tij u gjetën rreth 50 mijë euro që po transportoheshin drejt Shqipërisë. Në kontrollin doganor shtetasi shqiptar kishte deklaruar se zotëronte vetëm 3 mijë euro. Në shtetin italian tentativa e eksportimit të një valute të padeklaruar në doganë dhe e dyshimtë për prejardhjen e saj nga aktivitetete të paligjshme penale e fiskale, konsiderohet një shkelje administative dhe dënohet me një gjobë prej 6 mijë euro.
Që nga fillimi i vitit e deri më sot policia doganore e portit dhe aeroportit të Barit ka sekuestruar rreth 900 mijë euro të transportuara në kundërshtim me normativën ligjore të valutës.
