Sekretari i Përgjithshëm i PD, Gazment Bardhi nuk i ndahet kryeministrit Rama, pas largimit të këtij të fundit me një makinë të blinduar nga Selia e PS, pak minuta pas arrestimit të Vladimir Gjutës.
Më herët vetë Bardhi ka zbuluar se makina e blinduar tip “Lincoln” me të cilën u largua Rama është e vëllait të kryeministrit, Olsi Ramës.
Sot Sekretari i PD pyet sërish Ramën se përse OFL-ja nuk sekuestron makinën e blinduar të vëllait të tij dhe përse i duhet Olsi Ramës një makinë që përballon plumbat.
“Mbarë opinioni publik ka mësuar që vëllai i Kryeministrit, Olsi Rama, posedon një makinë luksoze, “Lincoln” të blinduar, e cila përdoret herë pas here edhe nga Kryeministri.
Edi Rama nuk mund të fshihet. Ai duhet të përgjigjet:
– Pse nuk ndalohet për verifikim nga OFL dhe pse nuk e bllokohet makina e blinduar e Olsi Ramës?
– Pse vëllai i Kryeministrit është mbi ligjin dhe për të nuk vepron Urdhri nr. 1834/1, datë 06.11.2019 i Policisë së Shtetit?
– Në çfarë aferash është përfshirë dhe çfarë e rrezikon Olsi Ramën, që është detyruar të përdorë një makinë të blinduar, e ndërtuar për të përballuar plumbat?”, shkruan Gazment Bardhi.
Ndikimi e grupeve kriminale në politikë ndikon në mbajtjen e zgjedhjeve të lira –
Deputetja e Partisë Demokratike Jorida Tabaku, së bashku me deputetë të tjerë të PD-së, ndodhet në Shtetet e Bashkuara të...
