Kandidati i “Shtëpisë së Lirisë”, Bardh Spahia ka folur pasi votoi sot në qendrën e votimit. Ai u bëri thirrje qytetarëve që të votojnë masivisht për të zgjedhur kandidatin e tyre.
Ai tha për mediat se nga Shkodra do të fillojë ndryshimi, ndërsa u bëri thirrje komisionerëve që të mos pengojnë punën në disa zona të Shkodrës, siç u raportua më herët.
“Absolutisht jo, përballjen e kemi me Edi Ramën dhe përfaqësuesit e tij. Shkodranët e dinë kush është opozita e vërtete. Sot me votën e tyre të lirë do të tregojnë shembullin për ndryshimin që nga Shkodra e gjithë Shqipërinë. Më duket e tepërt të merrem me detaje. Jam shkodran dhe dihen tentativat e medias. Dëshiroj ta shfrytëzoj këtë rast për punën tuaj për transmetimin e këtij procesi kaq të rëndësishëm. U bëj thirrje shkodranëve të dynden masivisht drejt kutive dhe me votën të ndikojnë të ardhmen. Nga Shkodra do fillojë ndryshimi. Jam në dije të problematikave dhe u bëj thirrje çdo komisioneri të zbatoj me përpikmëri ligjin. Komisionerët janë të gatshëm për çdo qytetar. U bëj thirrje komisionerëve të mos bëhen pengesë për këto qendra”, tha Spahia.
