Një pjesë e banorëve të Unazës së Re kanë dalë edhe këtë të premte për të protestuar ndaj projektit “Unaza e Madhe”. Duke u futur në ditën e 34-të të protestës, këta banorë kërkojnë dëmshpërblim për shtëpitë të cilat do të preken nga ky projekt, që sipas tyre, është i paligjshëm.
Ata po mbështeten edhe sot nga kreu i Partisë Demokratike, Lulzim Basha. Ky i fundit u shpreh se protestat zhvillohen vetëm për shkak të qeverive që kanë si synim grabitjen. Ai theksoi se mazhoranca do të mbajë të njëjtin qëndrim që ka mbajtur deri më tani, si mbështetës të banorëve që kërkojnë të drejtën e tyre. Duke u mbështetur tek informacioni që qarkulloi ditën e djeshme, se kompania që kishte fituar lotin e parë të projektit “Unaza e Madhe” ka falsifikuar dokumentet në SHBA, Basha ritheksoi se projekti nuk është asgjë tjetër përvecse një skemë për pastrim parash.
“Nxjerr në rrugë kryefamiljarë, shikoni ku ka shkuar puna. Kërkojnë të shembin 317 banesa për të vjedhur para. Imagjinoni sesa e thellë është dëshira për të zhvatur xhepat e shqiptarëve. Hajdutëria, propaganda dhe mashtrimi duhet të bien poshtë”, deklaroi Basha duke ingranuar edhe banorët, të cilët shprehen njëzëri “O Edvin, o hajdut!”
