Është tensionuar situata në protestën e banorëve të Zharëzës përpara Ministrisë së Energjisë.
Protestuesit kanë tëntuar të ngrenë çadër por kanë hasur rezistencë nga forcat policore. Punonjës policie janë përplasur me banorët duke mos i lejuar pasi sipas tyre nuk kanë marrë leje për protestë.
Më herët ata zhvilluan një takim me zëvendëskryeministrin Niko Peleshi në ambientet e Ministrisë së Energjetikës. Pas takimit, banorët thanë që u ishte premtuar se do të merrnin dëmshpërblimet për çdo shtëpi të dëmtuar. Megjithatë banorët deklaruan se nuk do të largohen deri sa të marrin personalisht aktet e ekspertimit që vlerëson këto dëme.
