Banorët e fshatit Zharrëz të qytetit të Fierit kanë rinisur marshimin e tyre drejt Tiranës. Protestuesit e kontaktuar nga 27.al thanë se momentalisht ndodhen afër kryqëzimit të Rrogozhinës. Ata do të ndalojnë në këtë rreth rrotullim për të pushuar dhe më pas do të vazhdojnë marshimin e tyre drejt Tiranës.
Banorët kanë filluar ditën e djeshme marshimin në këmbë drejt kryeqytetit për të protestuar për dëmet që u ka shkaktuar kompania e naftës “Bankers Petroleum”.
Ata u bëjnë thirrje të gjithë qytetarëve që t’i bashkohen nismës së tyre për t’u bërë pjesë e kësaj proteste dhe jo vetëm protestave politike.
