Banorët e Vorës kanë dalë ditën e sotme në protestë kundër ndërtimit të një rruge paralel me autostradën që prek shëtitoren e qytetit dhe 70 objekte.
Ata shprehen se ky projekt nuk është konsultuar me qytetarët.
Një prej banorëve thotë se sipërfaqja e qytetit cenohet nga ky projekt, ndërsa deklaron se ka edhe një variant opsional që mund të shmangë këtë.
“Prek bizneset. Në çdo objekt ka rrugica që një biznes furnizohet dhe ka trotuare ku kalojnë klientët apo familjarët. Por tani kjo sipërfaqe është ngushtuar. Cënohet që nga sheshi duke e kthyer atë në një rrugë dytësore. Rruga është e domosdoshme por ka variante të lidhet Vora me Marikajn. Është rruga e vjetër ku është bërë edhe një investim”, shprehet ai.
