Ditën e sotme banorët e zonës së Laprakës në kryeqytet kanë dorëzuar një kallëzim në SPAK ndaj firmës së ndërtimit “Salillari”. Kallëzimi në SPAK, është bërë nga ana e tyre dhe për Kadastrën që sipas banorëve, në bashkëpunim me firmën kanë bërë veprime me vonese për legalizimin e banesave të cilat janë vonuar 17 vite.
“Kemi vendosur t’i drejtohemi SPAK me një kallëzim penal ndaj Kadastrës dhe Salillarit që ka fituar këtë tender, për të cilin ne kemi dyshime. Kallëzimi është depozituar në SPAK. Banorët kanë që në 2006 që presin të legalizohen banesat e tyre. Nuk kemi asnjë procedurë ligjore”, u shpreh përfaqësuesja e tyre në një deklaratë për mediat.
Banorët e Laprakës kanë protestuar prej disa ditësh në zonën ku janë projektuar të shemben shtëpitë e tyre të cilat sipas projektit, janë pengesë për ndërtimin e Unazës së Madhe.
