Banorët e Dermenasit kanë bllokuar rrugën Fier- Seman në shenjë proteste ndaj mjeteve te gazsjellësit TAP që ata thonë se u ka shkatërruar rrugën që u lidh fshatin me qytetin e Fierit.
Banorët kanë bllokuar për rreth 30 minuta këtë aks rrugor duke paralizuar qarkullimin e automjeteve.
“Ne rrugën e patëm të rregullt. Shteti të vij të na rregullojë. Rruga për faqe të zezë. Ata që e prishën ta rregullojnë”, shprehen banorët.
Mjetet e tonazhit të rënde kanë përdorur për disa muaj me radhë që nga fillimi i punimeve te gazsjellësit TAP rrugën e vetme qe lidh fshatin Dermenas me fshatrat e tjerë dhe me qytetin Fier.
