Banorët e Astirit të tensionuar janë zhvendosur pranë ambienteve të komisariatit nr.6 të policisë së Tiranës, aty ku janë shoqëruar 4 prej protestuesve që tentuan t’i bllokojnë rrugën kryeministrit Rama te Unaza e Re.
Mes të shoqëruarve ndodhet edhe ish-deputeti i PD-së, Klevis Balliu.
Banorët i afrohen komisariatit dhe hyjnë në oborr teksa brohorasin “Lironi çunat” dhe “ky është gjenocid”.
Mesditën e sotme dhjetëra banorë të “Astirit” u konfrontuan me policinë ndërsa dolën të bllokonin rrugën kryeministrit Rama që po kalonte te Unaza e Re. Policia çau rrethimin dhe shoqëroi disa prej tyre. Pas përplasjes në rrugë, disa prej banorëve u ndjenë keq e morën ndihmë mjekësore.
Video nga BallkanWeb:
