Ashtu siç kishin paralajmëruar edhe sot, banorët e Laprakës, Paskuqanit, 5 Majit e Astirit, të cilët preken nga ndërtimi i Unazës së Madhe dhe rikualifikimit urban, kanë dalë sot në protestë tek Ura e Paskuqanit në Tiranë, kundër shembjes së shtëpive të tyre.
Në një prononcim për mediat ata shprehen se banesat e tyre nuk po prishen se janë të dëmtuara nga tërmeti, por për shkak se duan që të ndërtojnë pallat djali i ndonjë biznesmeni dhe të pasurohet me djersën e familjeve shqiptare
“Nuk e kemi bërë shtëpitë me drogë e. Nuk do të lej që djersa e imë të ikë kot. Nëse me quan të paligjshëm më i hiq nënshtetësinë. Këtu po lirohen shtëpia për tu bërë pallate, për tu pasuruar i biri i një biznesmeni. Ky është gjenocid”, u shprehën banorët. Ndërsa të agravuar ata thonë se Veliaj iu bënë presion për të mos dalë në protestë.
