Banorë të fshatit Arapaj kanë denoncuar një 22-vjeçar, të identifikuar si Albi Bizgjoni, duke e akuzuar se lëviz me shpejtësi të madhe në rrugët e ngushta të zonës dhe rrezikon jetën e banorëve, përfshirë edhe fëmijët.
Sipas deklarimeve të banorëve, i riu jo vetëm që drejton automjetin me shpejtësi të lartë, por në disa raste ka pasur edhe përplasje verbale dhe kërcënime ndaj fqinjëve së bashku me familjarët e tij. Ata pretendojnë se situata ka krijuar pasiguri të vazhdueshme në lagje.
Banorët shprehen se kanë bërë disa herë denoncime pranë autoriteteve, por sipas tyre nuk janë marrë masa efektive. “Kemi frikë për fëmijët, nuk i lëmë dot të shkojnë të qetë në shkollë,” shprehet një prej tyre, ndërsa të tjerë thonë se drejtimi i automjetit bëhet me shpejtësi shumë të lartë në një zonë të banuar.
Ata pretendojnë gjithashtu se motra e 22-vjeçarit, studente në Akademia e Sigurisë, është përfshirë më herët në një konflikt me fqinjët, për të cilin është proceduar në gjendje të lirë pas një incidenti të raportuar më 26 prill.
Banorët thonë se përplasjet dhe tensionet me familjen Bizgjoni nuk janë të reja dhe kanë vijuar prej vitesh, ndërsa kanë vënë në dispozicion edhe pamje nga kamerat e sigurisë si provë për autoritetet.
Ata kërkojnë ndërhyrje për të garantuar qetësinë dhe sigurinë në zonë, duke theksuar se ndihen të pasigurt për shkak të situatës së përsëritur.
Denoncimi vjen vetëm pak ditë pas një aksidenti të rëndë në vend, ku një automjet në lëvizje me shpejtësi të lartë shkaktoi viktima, duke rritur shqetësimin publik për sigurinë rrugore në zonat e banuara.
gijotina.com/
The post Banorët akuzojnë të riun për shpejtësi të lartë: ‘Policia nuk vepron, e ka në Akademinë e Rendit’ appeared first on 27.
