Lidhjet e moçme të Behgjet Pacollit me Rusinë e Boris Yeltsinit janë ri-përtërirë nga banka e tij. Insajderi ka zbuluar se Banka Ekonomike të dhënat personale të klientëve të saj i dërgon për përpunim në një kompani me seli në Rusi. Sipas dokumenteve që ka siguruar gazeta te kjo kompani shkojnë të dhënat personale të kosovarëve si numri personal, adresa, detaje që lidhen me transaksionin si koha, vendi, tregtari, etj.
Ministri i Punëve të Jashtme të Kosovës, Behegjet Pacolli në mars të këtij viti paralajmëronte Bashkimin Evropian që “të jetë më unik karshi rajonit të Ballkanit, e në veçanti për Kosovën, për shkak të rritjes së ndikimit rus në rajon”.
Pacolli, që njihet për lidhjet të fuqishme me ish-presidentin rus, Boris Yeltsini, ka 30 për qind të aksioneve në Bankën Ekonomike.
Banka, në të cilën është aksionari më i madh ka dërguar të dhënat personale të klientëve në Rusi.
Gazeta Online Insajderi ka zbuluar se të dhënat personale identifikuese, si numri personal, adresa, detaje që lidhen me transaksionin si: koha, vendi, tregtari, etj, kanë përfunduar në shtetin që e pengon njohjen e shtetit të Kosovës.
