Deputeti Taulant Balla deklaroi se deputetët socialistë do të kërkojnë përjashtimin e deputetit Noka nga seanca plenare dhe informoi se do të mblidhet Byroja për të shqyrtuar kërkesën e deputetëve.
“Nuk është aspak i vërtetë pretendimi i PD-së se fyerjet dhe goditja ka ardhur si pasojë e reagimit të Braçes ndaj fjalimit të Sali Berishës. Gjatë gjithë seancës kemi pasur thyerje të rregullores nga deputetët e PD. Pas pak kohe do të mblidhet byroja për të shqyrtuar grupin e deputetëve për përjashtimin e deputetit minimalisht me 10 ditë. Nuk mund të ketë vijim normal të seancës”, tha Balla.
Balla i bëri thirrje kreut të PD-së Lulzim Basha të heqë dorë nga urdhrat dhe keqpërdorimi i deputetëve të tij. Të ndikojë dhe tek kryetari de fakto Berisha dhe deputetët të mos kthehen në kamikazë.
