Kryesuesi i PS në qarkun e Elbasanit për zgjedhjet e 18 Qershorit, Taulant Balla, shpreh se në këtë fushatë zgjedhore ne do të shkojmë në çdo lagje dhe çdo fshat të bashkisë Belsh, sa kohë që të kemi filluar punën për furnizimin 24 orë me ujë në çdo familje.
Balla ishte sot i pranishëm në takimin e prezantimit të kandidatëve për zonën e Belshit, Musa Ulqini dhe Klodiana Zdrava.
Në prani të qindra banorëve të Belshit, Balla theksoi se PS e ka kontratën me popullin dhe nuk e ka as me PD-në dhe as me ndonjë parti tjetër.
Balla tha se arsyeja pse PD bojkotoi parlamentin dhe tani po bojkoton zgjedhjet nuk ka të bëjë me atë që dëgjohet përditë nga çadra. Atë e kanë për mbulim.
