Kreu i Grupit Parlamentar të Partisë Socialiste, Taulant Balla ka deklaruar se në zgjedhjet e vitit 2021 do të garantohet edhe vota e emigrantëve shqiptarë.
I ftuar në studion e “News24”, Balla u shpreh se shpreson që edhe opozita të marrë pjesë për një reformë zgjedhore dhe të marrë përgjegjësitë që i takojnë.
“Në fillim të shtatorit, mblidhet parlamenti. Reforma zgjedhore është shumë e rëndësishme dhe ne duam që ta përfundojmë këtë reformë shumë të rëndësishme. Ky sezon vjen me mision të ri. Më 2021 ne do të garantojmë votën për shqiptarët që jetojnë jashtë. Do të kemi parasysh edhe rekomandimet e OSBE-ODIHR”, tha Balla.
