Kreu i grupit parlamentar të PS, Taulant Balla përshëndeti sot vendimin e opozitës për të votuar pro Aktit Normativ për blerjen e vaksinave anti-Covid.
Nga foltorja e Kuvendit Balla tha se vaksinimi është e vetmja mënyrë për të luftuar me virusin ndërsa theksoi se mesazhi që jep sot kjo seancë është që në fund të fundit partitë i tejkalojnë debatet e tyre kur bëhet fjalë për një çështje sikurse është kjo betejë.
Për të përçuar mesazhin tek qytetarët që të vaksinohen, Balla “këshilloi” deputetët se mund të përdorin patronazhimin.
“Sot i çojmë një mesazh kujtdo që na dëgjon, bëj vaksinën. Ta përdorim patronazhimin për t’i thënë njerëzve bujrum vaksinohuni. Është e vetmja mundësi që kemi për t’u përballur. Uroj kjo seancë të ketë patur impakt pozitiv”,- u shpreh Balla. /27.al
