Kreu i grupit parlamentar i Partisë Socialiste Taulant Balla ka degraduar me retorikën e përdor ndaj ish kryeministrit Sali Berisha në foltoren e Kuvendit. Kjo pasi Balla e ka quajtur provokim uljen e Sali Berishës në anën e të majtëve sot në Kuvend.
Balla iu përgjigj me fjalë të rënda, pasi Berisha tha se u ul tek maxhoranca për t’i dhënë një mesazh socialistëve se është avokati i tyre.
“U bë një provokim i ulët nga një njeri pa turp. Nuk ndodh që unë të ulem në vendin tuaj. Ky individ kërkon sherr dhe luftë sa herë i jepet mundësia. Ne nuk bëmë asnjëherë reagim se burrë i vjetër nuk qëndron në këmbë dhe menduam se e ka nga mosha. Ky që kërkon të vijë këtu në Parlament se i përfaqëson më mirë socialistët, ky PS i ha atë… dhe PS, ky njeriu nuk ia afrohet dot kurrë se PS në këto 30 vite ka kontribuar vetëm për të mirën e këtij vendi. Ky njeriu që e ka tradhtuar Shqipërinë”, tha Balla.
