Kreu i Komisionit Hetimor për CEZ-in, Taulant Balla pasi nuk arriti t’i merrte dëshminë radhën e kaluar të djalit të Ish-kryeminsitrit Sali Berisha, Shkëlzenit ku i kërkon të paraqitet në komision ditën e hënë në orën 17:00 në të kundërt do ta shoqëronte me polici.
Shkëlzen Berisha ka deklaruar se Taulant Balla nuk është i interesuar që të dalë e vërteta ndaj nuk lejoi që mbledhja e kaluar të drejtohej nga një prej kolegëve të tij.
“Përse ky komision duhet të drejtohet nga një njeri që është i dënuar për shpifje ndaj meje? Ai nuk deshi që ta zëvendësonte ndonjë koleg sepse nuk do të dalë e vërteta. Nuk kam asnjë lidhje me zotin Ismailaj dhe as me zotin Kalaj. Mirë zoti Kalaj që nuk gjendet por Ismailaj? Kjo është e ezauruar”, tha Shkëlzen Berisha.
I pyetur për provat që ka paraqitur Taulant Balla që e implikojnë në çështjen e CEZ, Shkëlzen Berisha tha se asnjë nuk e di se nga kanë dalë ato prova apo nëse janë të certifikuara.
