Si pasojë e një sulmi me bombë në një treg në lindje të Bagdadit, kanë mbatur të vdekur të paktën 11 persona dhe dhjetra të tjerë janë plagosur.
Ministria e Brendshme e vendit ka thënë se një rojë i sigurisë hapi zjarr ndaj një makine të dyshimtë dhe shoferi më pas e hodhi atë në erë. I ashtuquajturi Shteti Islamik ka marrë përsipër këtë shpërthim me anë të një deklarate, ku thuhej se shënjestër e tij ishin muslimanët shiitë të zonës, të cilët kanë qenë në qendër të një serie sulmesh të ngjashme në distriktin e Bagdadit.
Vetëm disa ditë më parë, 35 persona humbën jetën si pasojë e shpërthimit të tre makinave me bombë. Forcat speciale të Irakut dhe aleatët e milicisë shiite janë përpjekur të dëbojnë Shtetin Islamik nga bastioni i tyre në qytetin verior të Mosulit.
