Nga Xhildinho Ozuni
Një avion multi-luftarak supersonik grek, i njohur si F-16, ka fluturuar fare pranë kufirit me Shqipërinë, në rrethin e Kolonjës, pak kilometra larg qytetit të Leskovikut, në jug-lindje të vendit. Kanë qënë orët e hershme të mbrëmjes, kur banorët e zonës kanë dëgjuar zhurmën e avionit reaktiv dhe janë tmerruar duke dalë nga shtëpitë e tyre të alarmuar dhe të frikësuar në maksimum.
Kryesisht kanë qenë banorët e komunave Radat dhe Glinë, që e kanë ndjerë më së shumti. Ata, madje, kanë arritur ta filmojnë skenën e avionit reaktiv grek, i cili bënte manovra të çuditshme dhe sipas banorëve, mendohet të ketë hyrë në territorin shqiptar, duke qëndruar rreth 6-8 minuta në fluturim, rreth zonës. Nuk dihet shkaku, se çfarë ka kërkuar ky avion luftarak i forcave ajrore greke në kufi, por ky gjest mund të lidhet me deklaratat e fundit provokuese të ministrisë së jashtme greke ndaj Shqipërisë, për problemin e prishjes së shtëpive të “minoritetit grek” tw paqenw në Himarë.
Për momentin nuk ka asnjë deklaratë zyrtare nga Ministria e Mbrojtjes sw Shqipwrisw për këtë veprim provokues dhe skandaloz. Kohët e fundit, forcat ajrore greke janë forcuar së tepërmi, me avionë të rinj reaktiv, duke pasur edhe mbështetjen e SHBA-së. Aleksis Tsipras, së fundmi, vizitoi bazën më të madhe ajrore në Larisa, ku kreu edhe një fluturim me një F-16 reaktiv. Duhet të theksojmë që Greqia, akoma mban në fuqi, Ligjin e Luftës me Shqipërinë që nga Lufta e Dytë Botërore dhe akoma kjo çështje nuk po gjen zgjidhje, midis palëve. “Nota e protestës” nga pala shqiptare do të ishte një sinjal i qartë dhe i fuqishëm, si kundërpergjigje i këtij akti shovinist grek.
/shqiperiaebashkuar.al/
