E njohur për humorin, energjinë dhe talentin e saj Aurela Gaçe ka ditur gjithnjë të mbajë në harmoni raportin me mediat dhe publikun.
Por këtë herë një gazetare e ka mërzitur dhe nervozuar pak këngëtaren.
Aurela Gaçe i ka dedikuar një status gazetares, e cila shigjeton për stërvitjen e shumtë që këngëtarja bën ndërsa thotë se kjo nuk reflektohet në projekte të reja muzikore.
Gaçe ka shpjeguar se në 3 muaj ka publikuar 2 këngë, ndërsa thotë se “djersën time s’ja fal askujt të ma fshijë me gomë”.
“Ooo motra… Mirë që bëni lajm që unë qëlloj thesin, por të paktën mos keqinformoni për punën sepse djersën time s’ja fal askujt të ma fshijë me gomë. “Aurela ka disa kohë që s’ka sjellë projekte të reja.”- thotë artikulli… O të plaçin sytë, po këto çfarë janë? 3 muaj më parë edhe 1 muaj më parë i kam bërë këto këngë me shumë djersë e kohë e të holla, e për pak ditë vjen tjetra këngë. Mos do nga një në javë t’i motra? Po që i bie thesit unë e paske marrë vesh ti, projektet jo? Kush ju punëson juve moj xhaneeeeee… Kush? Më mirë mos ta di kush je, se do të të kthej në thes për stërvitje. Edhe diçka e dashur. “live” në thonjëza shkruhet për ata që e kanë me thonjëza live-in. Kapish moj motra? Unë jam live prej vërteti, pa thonjëza, o motra”, ka shkruar këngëtarja.
