Kryebashkiaku i Partisë Socialiste të Hasit, Adem Lala ka propozuar shpalljen Qytetar Nderi të ish-deputetit të PS, Gafurr Mazreku, i njohur për atentatin në Parlament më 16 shtator të -97-ës, ndaj liderit të Levizjes Studentore, Azem Hajdari.
Vendimi i kryebashkiakut të Hasit është bërë publik nga Partia Demokratike. Deputeti Flamur Noka e cilësoi skandaloz vendimin e kryebashkiakut të Hasit që do të kaloj për votim të hënën e javës së ardhshme. Deputeti demokrat i bëri thirrje kryeministrit Edi Rama që të urdhëroj tërheqjen e propozimit.
Ish-deputeti Mazreku qëlloi me armë Azem Hajdarin në 18 shtator të vitit 1997 brenda Parlamentit të Shqipërisë. Në sallën e Parlamentit Mazreku ka nxjerr armën dhe qëlluar me tre plumba Hajdarin, në korridoret e Kuvendit duke e plagosur rëndë. Hajdari i mbijetoi atentatit të Mazrekut. Mazreku u dënua me 11 vite burg, por kreu vetëm 5 pasi përfitoi nga një amnisti.
