Në dosjen penale të dënuarit Ervin Zallumi, ka rezultuar se ; Për këtë të dënuar nga ana jonë janë verifikuar 234 ditë pune në IEVP Fier, të shënuara në kartelat e punës, për periudhën muajit Shkurt, Mars, Prill, Maj, Qershor, Korrik, Gusht, Shtator, Tetor 2020.
Nga këqyrja në regjistrin e hyrje daljeve nr.226 prot datë 10.09.2019, i cili fillon me datën 03.11.2019 dhe përfundon me datë 14.03.2021 dhe rezulton se i dënuari Ervin Zallumi, ka dalë në punë 18 ditë e konvertuar në ulje dënimi 2.1 ditë konkretisht;
Për muajn Shkurt 2020 ka dalë për punë me datë 11,24,25,26 dhe në kartelën e punës është e shënuar 26 ditë punë.
Për muajn Mars 2020 ka dalë për punë me datë 2,3,4,5,6,9dhe në kartelën e punës është e shënuar 26 ditë punë.
Për muajn Prill 2020 nuk ka dalë për punë dhe në kartelën e punës është e shënuar 26 ditë punë.
Për muajn Maj 2020 nuk ka dalë për punë dhe në kartelën e punës është e shënuar 26 ditë punë.
Për muajn Qershor 2020 nuk ka dalë për punë dhe në kartelën e punës është e shënuar 26 ditë punë.
Për muajn Korrik 2020 nuk ka dalë për punë dhe në kartelën e punës është e shënuar 26 ditë punë.
Për muajn Gusht 2020 nuk ka dalë për punë dhe në kartelën e punës është e shënuar 26 ditë punë.
Për muajn Shtator 2020 ka dalë për punë me datë 30 dhe në kartelën e punës është e shënuar 26 ditë punë.
Për muajn Tetor 2020 ka dalë për punë me datë 1,2,5,7,12,14,19 dhe në kartelën e punës është e shënuar 26 ditë punë.
Referuar Urdhërit nr.2259, datë 18.03.2008 të Drejtorit të Përgjithshëm të Burgjeve “Mbi punësimin e të dënuarve në burgje dhe paraburgime”. Komisioni i Punësimit i burgosurve ka në përbërje shefat e sektorit ligjor, social, shëndetësisë dhe sigurisë, të cilët ndjekin në dinamikë frekuentimin e procesit të punësimit nga i burgosuri.
Personat përgjegjës që nuk kanë verifikuar frekuentimin e punës nga të dënuarit janë Përgjegjësi i Sektorit të Burimeve Njerëzore Albi Rrezhda, Dorian Nukaj Përgjegjësi i Sektorit të Cështjeve Shoqërore, Eris Isufaj, Përgjegjësi i Sektorit Ligjorë Gerald Nonaj, Ervis Alliaj Shefi i Policisë Bashkim Meci, Fatos Lika, Mato Mataj Përgjegjësi i Sektorit Shendetsorë Arbëri Gjermeni, Përgjegjës i Sektorit të Financës, Florida Mata.
Personat përgjegjës të cilët kanë nënshkruar kartelat e punës janë, evidencieri Gerald Nonaj dhe Miratuar nga Drejtori i IEVP
Si rezultat i falsifikimit të ditëve të punës nga IEVP Fier në kundërshtim me kriteret e saj i dënuari ka përfituar rreth 35.1 ditë ulje dënimi, nga veprime haptazi të kundra ligjshme kur realisht duhej të përfitonte 2.1 ditë ulje dënimi nga puna.
Ervin Zallumi porositi në 2017 atentatin ndaj aktorit Mishel Prela Manoku, duke paguar 80 mijë euro për hakmarrje ndaj tij. Ndaj aktorit u qëllua tetë herë dhe ai mori në trup dy plumba, të cilëve arriti t’u mbijetojë. Në lidhje me ngjarjen u arrestuan 5 persona, mes të cilëve porositësi, ekzekutori dhe tre anëtarë të bandës. Blutë bënë të ditur se krimi është porositur nga Ervin Zallumi për hakmarrje. Kjo pasi në 2010-ën, Mishel Prela ka tentuar ta vrasë, duke e plagosur me thikë.
