Gjykata e Beratit ka dhënë sot masën e ndëshkimit për 3 autorët e atentatit me armë që ndodhi 3-ditë më parë në një lavazho në këtë qytet.
Janë dënuar me burg at e bir Vladimir dhe Xhoni Spahiu, përkatësisht 52 dhe 25-vjeç dhe Petrit Qypi, 66-vjeç të cilët në shenjestër kishin pronarin e lavazhos, për shkak të një borxhi të papaguar.
Ata mbërritën në Gjykatën e Beratit nën masa të rrepta sigurie dhe seanca gjyqësore filloi në orën 17:00 të pasdites së sotme.
Prokurori Dritan Gripshi i ka kërkuar gjykatës vlerësimin “të ligjshëm” të arrestimit të tyre dhe ka kërkuar për të tre atentatorët masën e sigurisë “arrest me burg”.
Pasi ka dëgjuar edhe avokatët e palëve, gjyqtarja Adelajda Gjuzi e ka vlerësuar “të ligjshëm” arrestimin e tyre dhe ka vendosur për të tre autorët Vladimir Spahiu, Xhoni Spahiu dhe Petrit Qypi, masën e sigurisë “arrest me burg”
