Viljon Cakollari 37 është plagosur me tre plumba dhe ndodhet në spital në gjendje kritike për jetën
Një atentatat ka ndodhur mbrëmjen e së djeshme në kryeqytet. Policia njoftoi se shoferi i parkut të Ministrisë së Brendëshme është qëlluar me armë zjarri nga persona ende të paidentifikuar. Viljon Cakollari 37 –vjeç është qëlluar tre herë me armë zjarri teksa po hynte në pallatin në rrugën ‘Irfan Tomini’ ku banon.
Ai është dërguar menjëherë në spital ku ndodhet në gjendej kritike për jetën. Policia hedh dyshime se autorët e ngjarjes kanë ndjekur prej kohësh lëvizjet e Cakollarit dhe kanë pritur momnetin që ai të ndodhet vetëm për ta qëlluar. Ndërkohë 37- vjecari rezulton të jetë kunati i një personi të dënuar me 25 vite burg dhe kjo shton mundësinë për konflikte të hershme mes autorëve dhe Viljon Cakollarit. Policia ka shoqëruar disa persona të cilët mund të kenë lidhje me ngjarjen ndërsa po vijon puna për identifikimin dhe kapjen e autorëve si dhe zbardhjen e rrethanave të ngjarjes.
