Dy persona mbetën të plagosur nga të shtënat me armë zjarri në zonën e “Misto Mames”, në Tiranë.
Ngjarja ndodhi rreth orës 23:30, në rrethana ende të paqarta. Mësohet se të plagosur kanë mbetur shtetasit me inicialet Xh. V., 33 vjeç dhe J. Sh., 25 vjeç.
Dy personat e lartpërmendur janë dërguar menjëherë në spital dhe ndodhen jashtë rrezikut për jetën.
Ndërkaq, në vendngjarje është gjetur i braktisur një automjet tip “Golf”, si dhe janë sekuestruar disa gëzhoja të dala nga një armë e llojit pistoletë.
Ende nuk dihen arsyet e kësaj ngjarjeje dhe autorët.
