Me shumë mundësi, e ardhmja e sulmuesit shqiptar do të jetë në kampionatin italian
Pas Fiorentinës dhe Veronës, e ardhmja e sulmuesit të kombëtares shqipëtare Shkëlzen Gashi, pritet të jetë në kampionatin Italian. Ekipi i Atalantës ka shfaqur interes për sulmuesin kuqezi. Për shkak të marrëdhënieve jo shumë të mira me trajnerin e Baselit, Gashi është aktivizuar në vetëm 5 takime të kampionatit gjatë këtij sezoni, duke shënuar dy gola.
Stafi teknik i Atalantës e ka ndjekur aktivitetin e sulmuesit kuqezi dhe beson te potenciali i tij, duke u bazuar edhe në faktin se vetëm një apo dy sezone më parë, ishte ndër golashënuesit më të mirë të Superligës së Zvicrës. Vetë Gashi është shumë i interesuar për të ndryshuar ambient, pasi dëshiron të luajë në vazhdimësi për të fituar një vend në formacionin e Gianni De Biasit gjatë finaleve të “Francë 2016″.
