Totenhemi dhe Ajaksi do të përballen në gjysmëfinalen e Ligës së Kampionëve, teksa kjo do të jetë një ndeshje speciale për katër prej yjeve të formacionit të Poçetinos, duke qenë se katër prej lojtarëve në grupin e tij janë rritur në radhët e “Tulipanëve”.
Konrektisht fantazisti Kristian Eriksen dhe mbrojtësit Tobi Alderveireld, Jan Vertongen e Davidson Sançez kanë veshur fanellën e Ajaksit në vitet e kaluara dhe për ta, këto 180 minuta në gjysmëfinalet e Ligës së Europës do të jenë një emocion i veçantë, një rastësi shumë e bukur, por në fund do të jetë edhe një dhimbje e madhe, duke parë edhe gjithçka të bukur kanë bërë Ajaksi dhe Totenhemi në këtë sezon të Champions-it, pasi kaluan dy favoritet kryesore për turneun.
Ndërkohë ditën e sotme, nëpërmjet një njoftimi në faqen zyrtare, klubi holandez nuk i ka kursyer thumbimet, teksa ka postuar fotot e 4 futbollistëve të Totenhemi në kohën kur luanin me Ajaksin duke shkruar: “Ata u rritën shumë shpejt”…
/panoramasport/
