Ish-kryeministri bën një deklaratë të rëndë në foltoren e kuvendit duke iu drejtuar shqiptarëve që të armatosen për sigurinë e tyre. Reagon Tahiri: thirrje antikushtetuese e kriminale
“Unë kam një kërkesë sot për shqiptarët, u bëj thirrje për sigurinë e tyre të armatosen, të sigurojnë armë për të mbrojtur veten, vatrat, pasuritë e tyre sepse nuk kanë asnjë siguri. Ju bëj thirrje”, tha ish-kryeministri. Duke akuzuar ministrin e Brendshëm Tahiri dhe kryeministrin Rama për lidhje me krimin, Berisha ka lëshuar deklaratën e ashpër për garancinë e qytetarëv ëpërmes vetmbrojtjes me armë, një thirrje kjo e kundraligjshme.
“Nëse ju si organizatë kriminale mendoni të terrorizoni opozitën dhe qytetarët ju garantoj se opozita dhe qytetarët janë të gatshëm tua kthejnë ju me të gjitha mjetet dhe të mos gjeni vrimë miu ku të futeni. Të armatosen se armatosen amerikanët, të gjithë qytetarët që duan të mbrojnë veten e tyre. Të sjellim ligjin, tu japim të drejtë qytetarëve të mbajnë armë. Me këtë organizatë kriminale nuk ka rend, nuk ka qetësi. Këta këtu që hidhen sigurisht hidhen se janë të lidhur me bandat, sigurinë ua japin bandat me uniformë dhe pa uniformë”, tha Berisha.
Menjëherë pas tij, ministri i brendshëm saimir Tahiri ka reaguar ashpër duke i bërë thirrje prokurorisë të thërrasë Berishën pasi ka bërë thirrjje kriminale dhe antikushtetuese.
Një ish kryeministër që bën thirrje për armatosje nuk ka ndodhur dhe nuk ndodh në asnjë vend demokratik, porn ë vëndet e botës së tretë ku udhëheqës të tillë që rrota e fatit ti vihet kalaçafë popullit dhe në fund të karrierës së tij të bëjë thirrje për armatim.
I kërkoj prokurorisë të marrë masa për këtë njeri që ka guxim të bëjë thirrje për të armatosur qytetar. Pse nuk ngriheni të distancoheni. I kërkoj prokurorisë të marrë masa për këtë njeri që ka guxim të bëjë thirrje për të armatosur qytetar. Pse nuk ngriheni të distancoheni”, tha Tahiri.
