7.410 bimë të dyshuara Cannabis Sattiva ka zbuluar dhe asgjësuar ,policia e Tepelenës në Kurvelesh dhe Memaliaj.
Në Kurvelesh të Tepelenës, në vendin e quajtur “Përroi i Kaurit” dhe “Përroi i pishave” u asgjësuan 4710 bimë narkotike, ndërsa në fshatin Kalivaç , Memaliaj nga kontrolli i ushtruar nga Shërbimet e Policisë në vendin e quajtur “Rëza” dhe “Xana” u gjetën dhe u asgjësuan në total 2700 bimë të dyshuara Cannabis Sattiva.
Ndërkohë në Vlorë policia asgjëson 10 parcela me rreth 539 rrënjë bimë narkotike të llojit Cannabis Sattiva. Bimët narkotike u gjetën të mbjella në fshatin Drashovicë të Vlorës dhe në fshatin Velahovë të Sarandës, të cilat u asgjësuan me djegie.
Policia po punon për identifikimin dhe kapjen e autorëve.
