Asgjesohen 1300 bimë kanabis në Krujë. Efektivët e komisariatit të këtij qyteti gjatë kontrollit të ushtruar gjatë ditës së djeshme në fshatin Borizanë dhe Derven, gjetën të kultivuara 1300 bimë kanabis, të cilat u asgjesuan me anë të djegies.
Një pjesë e bimëve narkotike u gjetën në tokën në pronësi të shtetasit S.Gj 46 vjeç, banues në Tiranë, i cili është shpallur në kërkim nga blutë.
Githashtu, gjatë kontrollit të ushtruar në banesën e tij u gjetën dhe u sekuestruan në cilësinë e provës materiale rreth 5 kg lëndë narkotike e dyshuar kanabis.
Materialet i kaluan për veprime të mëtejshme Prokurorisë së Rrethit Gjyqësor Krujë për veprat penale “Prodhimi dhe shitja e narkotikëve” dhe “Kultivimi i bimëve narkotike” .
