Kryeministri Edi Rama e ka nisur fjalën e tij në Asamblen e PS, me një thirrje për të tijët, ku i këshillon të mos kenë të njëjtin fund si kundërshtarët. Gjithashtu gjatë fjalës së tij Rama nuk është kursyer kur i kërkon forcimin dhe organizimin e strukturave të partisë.
Gjithashtu PS në territor duhet të jetë e votuesve dhe këshilloi që vetëm në këtë mënyrë nuk do të përfundojnë si kundërshtarët politikë.
“Garancinë për të qenë në krye të vendit na e jep një PS që arrin në territor të na përfaqësojë me dinjitet dhe të komunikojë ashtu si duhet me njerëzit. Pa harruar asnjëherë që anëtarësia jonë reale është 60-70 mijë, ndërsa votuesit janë 600-700 mijë dhe më shumë. PS në territor duhet të jetë e votuesve tanë. Kjo është shumë e rëndësishme ta kuptojmë sot përpara se të jetë vonë. Përpa se largqoftë të përfundojmë siç kanë përfunduar kundërshtarët tanë.
Kjo është pjesa më e rëndësishme e këtyre dy muajve ku hyjmë. Për të pasur në fund të qershorit një grup kandidaturash për 60 bashkitë që të përmbushë këtë qëllim. Në shtator tetor të vijojmë me të njëjtën mënyrë për kandidaturat për njësitë bashkiake. Paralelisht me gjithë organizimin e partisë në territor”, tha Rama.
