Gjatë punimeve të Asamblesë së Përgjithshme të OKB-së, u zhvillua takimi i ministrave të Punëve të Jashtme të vendeve të Kartës Adriatikut.
Në fokus të diskutimeve ishin situata aktuale politike dhe ajo e sigurisë në rajonin e Ballkanit Perëndimor, forcimi i bashkëpunimit rajonal mes vendeve anëtare dhe vëzhguese të A-5 në funksion të integrimit Euro-Atlantik të Ballkanit Perëndimior.
Në fjalën e mbajtur, ministri shqiptar Ditmir Bushati e vuri theksin tek domosdoshmëria e forcimit të bashkëpunimit rajonal, në shërbim të përballimit të sfidave të sigurisë, jo vetëm për rajonin tonë, por edhe më gjerë.
Gjithashtu, Bushati evidentoi rolin e Kosovës në stabilitetin e paqen në rajon dhe theksoi nevojën e anëtarësimit të saj në Kartë, si hap i nevojshëm për integrimin e plotë Euro-Atlantik të rajonit tonë, konsolidimit të paqes dhe stabilitetit.
