Përfaqësues të Aleancës për Mbrojtjen e Teatrit kanë zhvilluar sot një takim me ambasadorin kroat, Zlatko Kramarić.
Në një mesazh në “Facebook”, përfaqësuesit e Aleancës shkruajnë se kemi mbështetjen e ambasadorit për qëndresën tonë për Teatrin Kombëtar.
Postimi i plotë
Pas takimit me ambasadorin kroat Zlatko Kramarić, një njohës shumë i mirë i kulturës dhe i Ballkanit.
Si ambasadori i parë kroat në Kosovë e më pas ambasador në Maqedoninë e Veriut e tani në Shqipëri ai ka njohuri të thelluar të kulturës shqiptare.
Kemi mbështetjen e ambasadorit për qëndresën tonë për Teatrin Kombëtar. Kjo është një qëndresë për kujtesën kombëtare, sikurse me shumë të drejtë e ka kuptuar edhe ai.
Diskutuam për mënyrën sesi mund të na vihet në ndihmë nga Kroacia dhe jemi të lumtur që për secilin propozim, morëm miratimin e tij. Do të kemi zhvillime të mira në këtë drejtim që do t’i zbulojmë kur të vijë koha.
Hvala Mr. Kramarić!
