Myfarete Laze: “Shqipëria ime në këto ditë. Vëllai i Prishtinës u lirua, gëzim i madh, i Malit të Zi mori shpi të re në Tuz , tjetri lëngon në spital në Shkup. Kanë dhe një vlla, që e vizitojnë rrallë, edhe pse është dëbuar e sakatuar dhe u kërkon ndihmë. Është Çamëria”
Një mesazh prekës vjen nga këngëtarja Myfarete Laze, bashkë me festën e saj të veçantë për lirimin nga burgu të Ramush Haradinajt. E përcjell mesazhin nga një kafe gëzimi me koleget e saj aktore bashkë me mesazhin për gjendjen e shqiptarëve të ndarë në katër shtete. Ka lajme këto kohë për shqiptarët, diku lajme të gëzuaratë, diku të dhimbshme e diku shpresëdhënëse. Fati i katër vëllezërve të ndarë në katër shtete, Shqipëri, Maqedoni, Kosovë, Mal i Zi e natyrisht i dëbuari, Çamëria.
“Një kafe që të shijon aq shumë me mikeshat ,në një kafe ku arredimin e bëjnë fotot e artistave të kinematografise Shqiptare.Ju beftë mirë kafja e mënsezit.Kafeja e gëzimit për patriotin Ramush Haradinaj.
Ishin pesë vëllezër, që fati i kishte ndarë. Në të njëjtën ditë ata kishin lajme të reja: Njëri, fitoi pafajësinë në Prishtinë. Tjetri, bleu shtëpi të re në Tuz. I treti, u rrit në detyrë në Tiranë. Një tjetër, lëngon në spital në Shkup. Kanë dhe një vlla, që e vizitojnë rrallë, edhe pse është dëbuar e sakatuar dhe u kërkon ndihmë. Nga çdo familje shqiptare që njoh, të gjithë do zgjidhnin hallin e të katërtit, para se të gëzonin për fatin e tyre, duke u përpjekur vazhdimisht për vllain e dëbuar!”, shkruan Myfarete Laze.
