Gazetari investigativ Artan Hoxha ka publikuar një buletin të Uashingtonit të vitit 2002. Duke u ndalur fillimisht tek situata në Afganistan, ku teksa SHBA po tërheq të gjithë trupat, talebanët po marrin kontrollin, gazetari thekson se vendi vazhdon te mbetet prodhuesi numër një në botë i heroinës.
Ndërkohë, duke bërë një paralelizëm me situatën e sotme, Hoxha thotë se 20 vite më parë Shqipëria ishte në amatorizëm, ndërsa edhe pas dy dekadash, vazhdon të kontrolloje njërin nga akset kryesore të linjës ballkanike të heroinës drejt tregut me të pasur në bote, atij europian.
Postimi i plotë:
Duke rrëmuar në arkivë……26 shkurt 2002
Një raport intrigues i Buletinit të Uashingtonit në Kombet e Bashkuara…
Kur Shqipëria dhe shqiptarët ishin duke kaluar nga amatorizmi në profesionalizëm, në biznesin lokal dhe europian të narkotrafikut.
Ndërsa rregjimi taleban ishte rrëzuar nga pushteti, prodhuesi më i madh i heroinës botërore, Afganistani, ndodhej në udhëkryq për të ardhmen.
Bashkë me kontrollin e territorit afgan, do të përcaktohej dhe autoriteti, që do të merrte në dorë prodhimin global të heroinës.
Gati 20 vite me pas, ushtria Amerikane do largohet përfundimisht në javën e fundit të gushtit nga Afganistani, ndërsa Talebanët janë duke pushtuar njëri pas tjetrit qytetet kryesore të vendit.
Pas plotë dy dekadash, qeveritë post talebane të vendit dhe administrimi ndërkombetar i SHBA sebashku me NATO-n, dështuan për ta kthyer Afganistanin në normalitet dhe sidomos për të asgjësuar industrinë kriminale miliarda dollaresh të heroinës.
Sot, vetëm 4 jave nga 20 vjetori i sulmit terrorist të 11 shtatorit 2001 në SHBA, Afganistani vazhdon të mbetet prodhuesi numër 1 në botë i heroinës.
Madje nuk e ka humbur aspak peshën globale në prodhimin e heroines dhe sidomos në vendosjen e çmimit të shitjes së saj….
Shqipëria edhe pas dy dekadash, vazhdon të kontrollojë njerin nga akset kryesore të linjes ballkanike të heroinës drejt tregut më të pasur në botë, tregut Europian.
Sigurisht narkotrafiku shqiptar tashmë është në një stad tjeter zhvillimi.
Ka kaluar nga “klasat fillore” në përgatitjen e “doktoratures për master”…
Pasi kemi konsoliduar ciklin e mbyllur të trafikimit të heroinës Afgane, nga vendi i origjinës në kontinentin Aziatik drejt shpërndarjes me pakicë në rrugët e qeteteve të BE-së, kemi krijuar dhe maturuar tashmë brand-in kombëtar të kanabisit Made in Albania në tregun Europian.
Oreksi vjen duke ngrënë, thotë populli.
Prandaj në vitet e fundit narkotrafikantet shqiptare po intesifikojnë më shumë sukses përpjekjet për të bërë të njëjtën gjë në biznesin global të kokainës, nga Amerika Latine drejt Europes.
Ku sigurisht, nuk jemi më amatorë, por profesionistë të sprovuar, të etur për tregje të reja, dhe të uritur tmerrësisht për të fituar sa më shumë, nga industria me fitimprurese kriminale në planet…
