Raportimi i SPAK për dy vrasje të bujshme të zbardhura pas 15 vitesh në një ditë kur u vra një 25-vjeçar nga Policia e Shtetit për gazetarin Artan Hoxha është një koicidencë që ngre dyshime. Në studion e ABC, Hoxha deklaroi se pritet finalizimi i hetimeve. Ai shtoi se Plarent Dervishaj ndodhet jashtë territorit që pas atentatit të vitit të kaluar.
“Hetimi ka nisur në Tetor, masat janë marrë në 2 Dhjetor, në datë 6 është kapur Taullai, në datë 8 është arrestuar Viktor Ymeri. Ne kemi dy personazh që ndodhen në grup, dy që janë kapur, Plarent Dervishaj të larguar nga Shqipëria pas atentatit të vitit të kaluar dhe nuk ka hyrë më sipas sistemit TIMS. Lulzim Berisha është në kërkim ndërkombëtar.
Ai është jashtë territorit. Ai tashmë do të vendosë ose të dorëzohet ose të rrijë i fshehur. Në vitin 2006 ai është kapur nga policia maqedonase. Gjëja që më kërciti pak janë datat. Pse u la pasditen e datës 8 komunikimi i kësaj ngjarje ndërkohë që po merreshim me një ngjarje tjetër. Koicidenca më la të dyshoj se mund të jetë një operacion PR. Nuk besoj që SPAK të ketë varësi direkte nga Policia”, tha Artan Hoxha./abcnews
