Arsimi duket se ka qenë kryefjala e mbledhjes së fundit të grupit të PD. Burimet nga selia blu, raportoi se demokratët kanë vendosur të marrin pjesërisht pjesë në punimet e Kuvendit. Po kështu mësohet se PD do të shkojë në komisionin e medias dhe do të kërkojë anulimin e ligjit të arsimit të lartë.
Kreu i PD, Basha ka deklaruar në mbledhje se ligjvënësit demokratë do të shkojnë aty ku kalendari parashikon çështje të ndjeshme për qytetarët. Ai ka kërkuar angazhimin me të gjitha kapacitetet për arsimin.
Ky qëndrim i PD vjen pak ditë para protestës së paralajmëruar të opozitës së bashkuar më 16 shkurt. Por sipas deklaratave nga përfaqësues të PD e LSI, kjo protestë nuk do të jetë e vetmja.
/balkanweb/