Është shpallur në kërkim shtetasi I.Beko, pronari i karburantit ku u sekuestrua arsenali i armëve në Elbasan.
Kujtojmë se në 1 korrik, policia e Elbasanit sekuestroi 7 kallashnikovë, 5 pistoleta dhe fishekë, të cilët janë zbuluar në disa shkurre, pranë rrugës nacionale në Papër.
Armët sipas burimeve janë gjetur një ditë pas atentatit ndaj dy vëllezërve Baho më datë 30 Qershor, pas një informacioni nga një banor.
Ndërkohë arsenali i armëve mësohet se është dërguar për ekzaminim në laboratorin kriminalistik për të zbuluar nësë janë përdorur për ngjarje kriminale në qytetin e Elbasanit apo zona të tjera.
