Kokaina kolumbiane me vlerë 40 milionë paund u gjet e fshehur në një ngarkesë banane në portin e Essex-it. Më shumë se gjysmë ton drogë e klasit A u zbulua në një varkë që shkonte për në Holandë. Një sasi rekord kokaine u sekuestrua sot në portin e Londrës, e fshehur pikërisht në arka me banane.
Bëhet fjalë për mbi gjysmë tonë lëndë narkotike, kokainë e cila vinte nga Kolumbia. Policia londineze tha se ngarkesa kishte për destinacion Holandën, dhe se nëse do të kishte mundur të dilte në treg do të arrinte në vlerën e 40 milionë paundëve.
“Sekuestrimi i kësaj ngarkese është një goditje e madhe për grupin kriminal, pasi i pengon ata të bëjnë miliona paund, që do të ishin investuar në aktivitete kriminale të mëtejshme,”- tha një zyrtar i policisë.
Zbulimi vjen vetëm katër muaj pasi një tjetër ngarkesë kokaine e fshehur brenda tufave të bananeve u zbulua në Southampton./independent.co.uk
