Është arritur marrëveshja mes klubeve Atalanta dhe Lazio në lidhje me transferimin e portierit të kombëtares shqiptare, Etrit Berisha.
Kryeqytetasit kanë pranuar ta shesin kartonin e Berishës 5 milion euro, duke e shkëputur këtë tratativë nga ajo e blerjes së sulmuesit argjentinas Papu Gomez.
Zyrtarizimi i shitjes së kartonit të portierit shqiptar do të bëhet ditën e hënë.
Në këtë mënyrë, Berisha do të vazhdojë të luajë për Atalantën, skuadër ku gjatë këtij sezoni ishte në huazim dhe u shndërrua në një titullar shumë të rëndësishëm.
