Ka than' i moçmi: 

“Shqiptari e ka zakon që kundështon para se të marrë vesh".

                          -Faik Konica

Arrestohet shqiptari që thyen rekordin e numrit të vjedhjeve në Spanjë

Nga Ejona 0

Policia spanjolle ka arrestuar një shtetas shqiptar pasi dyshohet se është autor i një sasie rekord grabitjesh.

Pas një hetimi të gjatë i arrestueri dyshohet se ka kryer 84 grabitje me forcë në banesa në zonën e Valencias, Elches dhe Santa Polas.

Ai jetonte në CIE të Valencia, në pritje të procedurave të dëbimit pasi ndodhej në Spanjë pa dokumente rregullta.

Shqiptari fillimisht zgjidhte objektivat dhe më pas momentin e favorshëm për të realizuar grabitjet, duke shkatërruar gardhet mbrojtëse e më pas hynte në banesa duke thyer xhamat.

Pasi hynte në banesa, ai vidhte kryesisht para, bizhuteri, orë dhe sende të tjera me vlerë.

Policia Kombëtare dhe Garda Civile vendosën një pajisje të veçantë të përforcuar edhe me patrulla pa uniformë, të cilat u vendosën në zonë kryesisht pas grabitjeve.

Gjatë hetimit, një automjet u gjet pa targa që dyshohej se ishte përdorur për të kryer grabitje. Krahas kësaj, u synua edhe gjetja e gjurmëve të ADN-së.

Më në fund, pas hetimeve të nisura në vitin 2018, u arrit tek autori, një 53 vjeçar nga Shqipëria, ndaj të cilit ishte lëshuar një urdhër dëbimi.

Loading...

Lini një koment

Adresa juaj e Email-it nuk do të bëhet publike

Mund të përdorni HTML tags dhe atributet: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <s> <strike> <strong>

Ky sajt përdor Akismet-in për të pakësuar numrin e mesazheve të padëshiruara. Mësoni se si përpunohen të dhënat e komentit tuaj.

gjithësej